Asteburu honetan
eguraldi ederra izan dugu Pirinio aldetik arroila jaitsiera egiteko. Honi Zeanuriko
Mendi Taldetik etorritako gazte hauek leku ederrak bisitatzeko eta ekarri duten
gogoa gehitzen badiogu koktel itzela sortzen da. Nahiz eta Pirinioetako errekak
ur emari aldetik oso altu egon Gorgol egiteko aukera izan dugu, ura “bizitsu”
joanda arroila honek aukera gehiago eman dizkigu bertako salto eta toboganetaz
disfrutatzeko, batez ere “Matrix” pasoan disfrutatzeko eta edozein modutan
jausteko. Amaitzeko txorro albotik eta zati batean horma ukitu gabe rapel eder
bat, itzela arroila.
Inguruko arroilak
nola zeuden ikusita handik alde egitea baino ez zitzaigun geratu. Arroila hau
ere ez da hankamotz geratzen, izan ere salto asko eta neurri desberdinetakoak
ditu, honelako batzuk saltoa egin aurretik bitan pentsatzeko modukoak. Hala ere
kastakoak zirela erakutsiz ez zuten inolako arazorik izan, bueno 12 metrokoa
egiteko bai e!jajaja.
Gorgol eta Fago
moduko arroilak eginda kirol honek zer nolako lekuetara eraman zaitzakeen
erakusten digu. Arroiletan aurkitzen ditugun leku ikusgarri hauek ia
eskuraezinak bihurtzen dira soka eta beste elementu batzuen laguntza gabe. Honelako
konpainian ez dakit noizbait aspertuko naizen leku hauek bisitatzen. Eskerrik
asko talde eta neguko eskiada bat arte!
No hay comentarios:
Publicar un comentario